« Ahmadiyya Movements - Facts & Fiction »






BISMILLAHIR RAHMANIR RAHIMAnti Ahmadiyya Movement in Islam   AHMADIYYA DEENA ANING
YAGELUNG
YALEMEEHE ANING AMA ANG BA TU

Aba kyi ama ong yale, bee ama ong ba yale, wala bilane ong yalaa. Yaleminga yang daang ba bore. Ninsaalaa jaa nabang yaleye O buobo kye yaleminga eya bung yeni.

Yalemeehe aning yagelung eya yalanga ang kon Mirza Ghulam Ahmad, neenga ang waaning Ahmadiyya deena. Mirza Ghulam A. Qadiani damang deyanang aning yagelung aning yalemeehe a leohaa O buobo ka O beling ninsaaliba. Ana yale balaanga eya yale O potuuribo jaa ang de awa to jine. Yuomo ang pare, Ahmadiyya deena yideera Mirza Tahir jigehiyang bajimbo puong aning ninsaaliba tuhi - tuhi ang kpe Ahmadiyya deena aning bama ang nang na kpe. Sielee naang ting wono Ahmadiihe ang yale ka Mirza Tahir yalehonga eya yaleminga. Mirza Tahir yaleyang 1998 puong;

" Maanyang Khalifaya puong, yuong pie aning ayuobe (16 years), Naagmene hinehe ang kumbansore sigeyeng. Yuong yeni puong ninsaalaa million ata kpeya Ahmadiyya deena. A e yala bung daang paaluhe ang kung bang nye".

Yuoma nga puong ting be nga yang, Naagmene henehung, Ahmadiihe pareya million pie kye beri mine ming waanang ka yuoni jaa ka ninsaaliba million pie na mang leo wa Ahmadiyya deena.

Abakaohe, Ahmadiihoo kanga seoyang ka yuoni ang pare, ka ninsaaliba million pie kpe ya Ahmadiyya deena.

Ahmadiihooo kanga sugeheyang;

Ka Ahmadiyya deenang basuma, wala ang ta ka ninsaaliba kpeera Ahmadiyya?

Yuoni angpare, ba nyeya niba million pie.

Mirza Tahir jang nyeebo wuliyeng ka paahebo namang paaheng yuoni jaa.

A yalehung nga nabang eya yalemingaa?

Ju kyiibo yaleyaga ama. Wulibo kanga na bang wuliye a yalehunga?

Tuora na la ka ba sore Ahmadiihe jaa ang be duniya puong. Yuomo ang pare bang daang soreba, bawala daang liba yang?

YAGALUNG TONNA:Mirza Ghulam Ahmed deeya libie silaamahe seng ka O seo gbama pihinu. Gbama annahe seobo puong ong veng. Yuong lijare aning anu puoring ong la seo gbangu bung yeni paahe ang e anu. Yala ong yale la;

N danang seoye gbama pihinu, kye tuong seo anu. Pihinu aning anu welihaa la kpali (zero). A gbama anu nga seobo wuliyeng kang seo ya a pihinu.

A daang la yale ka O seoree gbama lijaayi. Ong wa seo anaahe ong veng kye seo;

" Naagmene daang kuye ninsaalaa puohibohi pihinu kye gmaa gaa bahe kye kyehe anu"

Bajigehebo aneng ba jamaye baabo:

Mirza Ghulam vorihung wagerene, O daang yaleyang ka O potuurebo ang de no degeruu neo pareye tuhi koohehe. O seo yang;

Naagmene paaliya Punjab aning India aning N potuuribo. Yuomo awala puoring ka ninsaaleba Tuhi koo de noore anema.

N nabang pong ka nuba tuhi koo dee noore nima bang wa wong N yaleyaga puong, bang kong ka ba kpare kokoe mule.

Naagmene e mang hena ka ninsaaleba tuhi koohaa naahe tuubu N nuuhing a sohe venkuubo yi Gmene seng.

Naagmene kpeyangung, N potuuribo ang be Punjab aneng Hindustan pareya tuhi koohehe a wuno nima bila mang wulibo ne yuomo lijare aning a yuobe ang pare.

Awa dao aning O bie, Ahmadiihe gbama jaa ming mang yaleya a bilanga. Ba seoye Al Badr puong ka bang na wa teehe ba ningkore yelaa, ka ba babamang tuong jine.

" O Masseeh Mowood, e kookaree dang vengyang eng wuli ka tung tunna lee a veng ka ninsaaleba tuhi koohaa naahe tuyi."

" Ama karengbo puoring, kyiihibo kanga biebe wuno a 1909, ka ninsaaleba tuhi koohaa naahe daang sage Masseeh Mowood, Mirza Ghulam ka tung tunala".

Ka Ghulam minga yalega, wa ka Mirza Basheerudeen Mahmud, kpeleng puoreng. O yaleyang ka;

" N nabanyaleng ka te jamaaya taye tuhi koohaa naahe - tuhi koohaa nu. Ka tuhi be Ghair Mubaeen puong.

Seree deu yalehung wuliyeng ka niba ang di dangsee aning Ahmadiyya wuliyeng ka ba taye million bung yene. 1930 puong bang seo ba buku " Kaukab Daree puong ka ba eya million ayi duniya puong. September 1932 no kpeene puong Bheera ( Punjab ), ka Molvi Mubarak Ahmad Sahebo yaleyang ka ba eya million anu. Pampanna, Abdur Raheen Dard, yaleyang silaamahe eya million pie aning anu a bi Punjab puong. A wuno ka ba pareye million ayopoeng aning tuhi koohaa anu.

Khawaja Hassan, Nizami Saheb yaleyang ka Mian ( Mahmud Ahmad, Khalifa Qadian) kung bang wuli yoe tuhi lijare bojung, Ahmadiihe ang be Punjab puong ba pare tuhi pie aning anee.

Britain yi deereba ang wa ore ning saaliba baahe 1911 aning 1931, Ahmadiyya Deena yalehung jaa leoya gidee. Ahmadiihe jaa da e ya tuhi lijaayi aning pie aning anu, koohaa awae aning anii.

Kareng kang na;

A turaang wunong ka jamaa Ahmadiyyang bengnee ninsaaleba a paahe Mirza Ghulam aning O po tuuribo Mirza Tahir.

A Mirza Ghulam ang gma gidee bila ne, bila ka O po tuuribo jaa gmaaraa. Mirza Tahir yo benee nuba yuomo ang pare Jalsa Salana jingbo puoreng.

N sageyang ka Ahmadiihe na nye ya yalerminga aning kyaanii. Mirza Tahir moorang ka O pele O po tuuribo puo, a yala ka Ahmadiyya deena baarang a eng na nuuhi a diera silaamaya yie. Bang bugu aning joling na sage a yalenga. Yalemeehe mang yale a meeheng. Ihi gbeemeng ka a ba kaohe.

Kyihilung be yabe a ku nuba ang tu sore.

DR. SYED RASHID ALI P . O . BOX 11560 DIBBA ALFUJAIRAH U . A . E rasyed@emirates.net.ae.    



» تاريخ النشر: 26-11-2009
» تاريخ الحفظ:
» شبكة ضد الإلحاد Anti Atheism
.:: http://www.anti-el7ad.com/site ::.